Somali News

Daawo Sawirada” Gudoomiye Muungaab oo Maanta isbaray Gudoomiyaasha Degmooyinka

1 of 1 Daawo Sawirada” Gudoomiye Muungaab oo Maanta isbaray Gudoomiyaasha Degmooyinka
749 Views Date March 9th, 2014 time 5:52 pm

Kulan maanta dhexmaray dhamaan 16-ka dagmo ee gobolka Banaadir ayaa waxaa shir guddoominayay Duqa magaalada Mqudisho ahna guddoomiyaha gobolka Banaadir Mudane Xasan Maxamed Xuseen Muungaab, waxaana shirkaasi uu ka dhacay xafiiskiisa.

Ajandaha kulanka oo ahaa mid isbarasho iyo dardaaran ahaa ayaa waxaa ugu horeyn daahduray guddoomiye ku xigeenka siyaasadda iyo arrimaha bulshada, wuxuuna sheegay in kulankaani uu yahay mid ku saleysan isbarashada Duqa magaalada Muqdisho ee cusub iyo dhamaan guddoomiyeyaasha dagmooyinka gobolka Banaadir, wuxuuna intaas kadib ku soo dhaweeyay mudane Xasan Maxamed Xuseen Muungaab xafiiskiisa.

Guddoomiyaha Gobolka Banaadir ahna Duqa Magaalada Muqdisho ayaa ugu horeyn uga mahadcelshay dhaaman Guddoomiye yaasha 16-ka dagmo ee maamulka Gobolka Banaadir howsha adag oo ay shacabka u hayaan, wuxuna ka dalbaday iney sii laba jibaaraan howshooda, isagoo markale meesha ka saaray hadalo been abuur ah oo larabo in qalqal lagu galsho hanaanka maamul wanaaga gobolka Banaadir ee ah in la badali doono shaqaalaha gobolka iyo dagmooyinka.

Mudane Xasan Maxamed Xuseen Muungaab Duqa magaalada Muqdisho ahna Guddoomiyaha gobolka Banaadir ayaa caddeeyay in maamulka gobolka ee uu hormuudka ka yahay aysan u qorsheysneyn haba yaraate iney badalaan shaqaalaha hada shaqeynaya ee horay ujoogay gobolka Banaadir ama dagmooyinka, marka laga reebo cidii shaqada loo igmada ka soo dhalaali weysa.

Sidoo kale mudane Muungaab waxa uu maamulada dagmooyinka ka codsaday iney amniga dagmadooda adkeeyaan, islamarkaana uu gaar gaar iyo guud ahaanba ula kulmi doono dhamaan guddoomiye yaasha dagmooyinka gobolka Banaadir.

Dhanka kale waxaa daradar cusub la galiyay howlihii bixinta iyo qaadashada Kaararka muwaadinimada, iyadoona lagu soo kordhiyay adeegyo cusub iyo xafiis cabashada dadweynaha ah kaasoo la rajeynayo in baahida iyo cabashada dadweynaha uu wax weyn ka qaban doono.

Waxaana sidaa saxaafadda usheegay Afhayeenka Maamulka Gobolka Banaadir mudane Maxamed Yuusuf Cismaan oo saxaafadda la hadlay kulankaasi kadib





 


Contact US / NALA SOO XIRIIR